LaCivita në mbylljen e fushatës së PD: Votoni më 11 maj dhe lëreni pa punë Ramën

Politikë

LaCivita në mbylljen e fushatës së PD: Votoni më 11 maj dhe

Konsulenti i fushatës së PD, Chris LaCivita mori fjalën e tij gjatë tubimit të sotëm përmbyllës në Tiranë. Ai i bëri thirrje shqiptarëve që të votonin për opozitën dhe ta “linin pa punë Edi Ramën” pas 11 majit.

Gjithashtu ai vuri theksin te gjendja e Shqipërisë, edhe pse ka ardhur vetëm dy herë, ndërsa u shpreh se “i gjithë bota i ka sytë nga këto zgjedhje”.

“Shqipëria ndodhet në udhëkryq, Berishën e keni për t’ju shpëtuar jetën”, tha ai mes të tjerash.

Fjala e Chris LaCivita:

“Shqipëria ndodhet në udhëkryq. Jo vetëm për ënddrat tuaja e familjeve tuaja, por edhe për pozicionin e vendit tuaj në arenën ndërkombëtare. Shqipëria s’mund të lejojë më një mandat tjetër të Edi ramës. Korrupsioni e gjendja e vështirë ekonomike që ka shkatërruar familjet, mungesa e punësimit të qëndrueshëm, gjithçka që përkufizon lumturinë tuaj, Edi Rama ua ka marrë. Por ju keni tani një shans historik.

Një shans që të tregoni se populli shqiptar e refuzon politikën e të kaluarës, se ju nuk do frikësoheni dhe nuk do reshtni së luftuari për fmailjet tuaja, e kjo ndodh vetëm nëse shkoni të votoni. Merrni me vete familjarët, fqinjët, miqtë tuaj, e lërëni pa punë Edi ramën, pushojeni nga puna. Në Shqipëri me Berishën do keni një njeri që ka shpëtuar jetë.

 Me plan real që do rregullojë ekonominë dhe do i japë fund korrupsionit, që do përmirësojë jetën tuaj.

Vij sot te ju si amerikan, i cili sheh një të ardhme të ndritur për një vend të madh e popull të shkëlqyer, gjithë bota i ka sytë nga këto zgjedhje. Votoni për të ardhmen tuaj, për mbështetjen tuaj dhe Zoti e bekoftë Shqipërinë”.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion