Dorëheqja si kryetar i PD? Ja kur pritet të thyejë heshtjen Lulzim Basha

Burime për Top Channel bëjnë me dije se brenda javës kreu i PD Lulzim Basha pritet të shprehë pozicionin e tij për postin e kryetarit.

Vendimmarrja pritet të bëhet publike pas kërkesës së grupit që i kërkon dorëheqjen prej disa ditësh pasi humbi zgjedhjet.

Kujtojmë se janë një grup demokratësh që kërkojnë dorëheqjen e Bashës pas humbjes në 25 prill.

Në mbledhjen e sotme me kryetarët dhe sekretarët e degëve në rrethe, kryedemokrati Lulzim Basha ka deklaruar se PD nuk mund të njohë një proces zgjedhor si ai i 25 prillit.

Ai u ka kërkuar atyre të mos bien në kurthin e kundërshtarit duke kërkuar të mblidhen sa më shumë fakte për manipulime të procesit zgjedhor.

Kreu i PD është shprehur se javën e ardhshme do të nisë një tur nëpër çdo degë të PD nëpër Shqipëri për t’u njohur nga afër me këto prova.