Punëtorët e tij punonin në të zezë dhe me pagë të ulët, 3 vite burg për shqiptarin në Gjermani

Ndihma që u dha emigrantëve të paligjshëm i kushtoi rëndë 41-vjeçarit nga Kosova, në Gjermani. Mësohet se një gjykatë ka dënuar me burg shqiptarin, i cili në kompaninë e tij të ndërtimit, shfrytëzoi punëtorët, të cilët punonin në të zezë me pagë shumë të ulët.

Gjykata në Gjermani dënoi me 3 vite të akuzuarin, ndërsa mësohet se ai duhet të paguajë 155 mijë euro për punëtorët e tij, për kohën që nuk janë paguar.