Një viktimë dhe 6 të lënduar, aksident i rëndë në Kosovë

Kosovë&Rajon

Një viktimë dhe 6 të lënduar, aksident i rëndë

Një grua ka vdekur në aksidentin që ndodhi pasditen e së mërkurës në rrugën Gjilan Prishtinë, përkatësisht në fshatin Kishinicë. Në këtë aksident u lënduan edhe gjashtë persona të tjerë.

Policia e Kosovës ka njoftuar se aksidenti ka ndodhur ndërmjet dy veturave.

“Rr. Nacionale (Gjilan-Prishtinë) Fsh. Kishnicë, Graqanicë 14.04.2021-19:00. Ka ndodhur një aksident trafiku në të cilin janë përfshirë dy vetura, dhe lëndime kanë pësuar shtatë (7) persona.

I dyshuari mashkull kosovar derisa ishte duke drejtuar veturën, dyshohet nga pakujdesia ka shkaktuar aksidentin duke goditur veturën tjetër të cilën ishte duke e drejtuar viktima mashkull kosovar.

Si pasojë e aksidentit, viktima femër kosovare-pasagjere në veturën e të dyshuarit, në QKUK ka ndërruar jetë, ndërsa lëndime kanë pësuar të dy drejtuesit e veturave, dhe katër (4) pasagjerë (dy femra dhe dy meshkuj kosovarë) në dy në veturat e aksidentuara.

Me vendim të prokurorit, trupi i pa jetë i viktimës është dërguar në IML për obduksion. Rasti vazhdon në procedurë të rregullt”, thuhet në njoftimin e Policisë së Kosovës.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion