I përmendi Ramës vuajtjet në dhomën e qelisë, ja si duket burgu ku po mbahet Hashim Thaçi (FOTO)

Ish presidenti i Kosovës, Hashim Thaçi, që nga 5 nëntori i vitit 2020 po qëndron i burgosur në Hagë, ku nga Gjykata Speciale ndër tjera akuzohet edhe për vrasjen e anëtarëve të LDK-së.
Nga burgu i Hagës, Hashim Thaçi ka uruar Edi Ramën për fitoren në zgjedhjet e së dielës në Shqipëri.

Thaçi i tha Ramës se dhomat ku ai po qëndron janë të ngushta dhe muret e qelisë së tij në Hagë, të cilat padyshim dallojnë nga luksi i Thaçit sa ishte president.

“Dhomat e ngushta e muret e qelisë së Hagës nuk e përmbajnë dot shpërthimin e entuziazmit tim për fitoren tënde. Entuziazëm ky që vështirë gjen vend në zymtësinë e vetmisë së ditëve të burgut. Por, si rrallë herë kohëve të fundit, sot jam i lumtur dhe i qetë për fitoren tënde, vëllau im.
Me shpresën që do të mund të takohemi përsëri duke frymuar nën qiellin e bukur dhe diellin që ngroh Shqipërinë dhe Kosovën, po të uroj të vazhdosh të japësh gjithçka nga shpirti yt për Shqipërinë. Kjo sepse edhe kur në ditët ku drita e diellit nuk depërton në muret e mbyllura të qelisë, dielli ngroh zemrën time vetëm at’herë kur Shqipëria dhe Kosova janë mirë”, thuhet në letrën e Thaçit.

Por si duket në të vërtetë burgu në Hagë të Holandës ku po mbahet Hashim Thaçi?