“Ishte i dro'guar! Kërkoj falje për fjalorin”, e dhu'noi pronari i hotelit që u shemb në 2019, reagon drejtori i policisë

Shef i Komisariatit të Krujës, Elton Shahini ka reaguar për herë të parë në lidhje me videon e publikuar nga ish-deputeti Myslim Murrizi, ku ai shfaqet duke u konfliktuar nga një person.

Fillimisht, Shahini u kërkon falje publike qytetarëve për fjalorin e papërshtatshëm të përdorur gjatë incidentit, duke treguar se mbetet i ndërgjegjshëm për peshën e imazhit publik.

Më tej, ai shprehet se qytetari i përfshirë në incident ndodhej nën efektin e lëndëve narkotike në timon, duke kryer manovra të rrezikshme që i kanë cenuar jetën drejtpërdrejt Shahinit. Përveç rrezikut fizik, situata është përshkallëzuar nga ofendimet e njëpasnjëshme të shoferit të dehur, çka solli edhe momentin e tensionit.

Në reagim, Shahini shprehet se pavarësisht se u përball me dhunë fizike dhe fyerje, në asnjë moment nuk përdori autoritetin e tij zyrtar, nuk kërcënoi me postin e punës dhe nuk iu përgjigj dhunës me dhunë.

Ndërkohë, është mësuar se personi që shfaqet në video duke goditur me shuplakë Shahinin është Arjan Xheka, pronar i ish-hotelit “Mira Mare”, një prej hoteleve që u shemb në tërmetin e 26 nëntorit 2019 në Durrës.

Ngjarja ka ndodhur në korrik të këtij viti dhe në video dëgjohet që Shahini e shan qytetarin, dhe më pas ky i fundit sapo zbret nga makina i drejtohet shefit të policisë me fjalët: kë shan nga roptë ti!

Policia e Durrësit konfirmoi më SHEKULLIN se konflikti në fjalë nuk ishte referuar nga ana e Shahinit, dhe duket se çështja është zgjidhur personalisht mes tyre. Për këtë arsye, nuk është regjistruar një procedim lidhur me ngjarjen.