Edi Rama largohet në mes të intervistës, publikohet bashkëbisedimi, gazetari amerikan e pyet për korrupsionin, ja përgjigja e tij(VIDEO)

Intervista e kryeministrit Edi Rama me gazetarin amerikan Andrew Callaghan për platformën “Channel 5” është publikuar tashmë e plotë, pasi më herët ishte raportuar se biseda ishte ndërprerë papritur nga kreu i qeverisë shqiptare. 

Gjatë intervistës, gazetari amerikan e ka pyetur Ramën për një sërë çështjesh të ndjeshme që lidhen me Shqipërinë, përfshirë korrupsionin, pastrimin e parave dhe trafikun e drogës.

Një prej momenteve më të tensionuara të bisedës ishte diskutimi mbi marrëdhëniet e kryeministrit me Jared Kushner, dhëndrin e presidentit amerikan Donald Trump, si dhe projektet e investimit të tij në bregdetin shqiptar.

Pyetjet e Callaghan kanë sjellë tension gjatë intervistës, e cila nuk ka përfunduar sipas parashikimit, pasi Rama ka vendosur të ndërpresë bisedën dhe të largohet.

Publikimi i videos së plotë vjen pasi lajmi për largimin e kryeministrit ishte bërë i ditur më herët, ndërsa tashmë bëhet e mundur të ndiqet e gjithë përballja dhe momenti kur intervista ndërpritet.