Dy ngjarje tragjike sot në Korçë / Policia jep detajet e para

Maliq, Korçë – Detaje të reja janë zbardhur lidhur me aksidentin tragjik të regjistruar mëngjesin e sotëm në qytetin e Maliqit, ku humbi jetën shtetasi Igli Kllogjeri, 44 vjeç.

Ngjarja e rëndë ka ndodhur rreth orës 07:10, në lagjen “Krastafilak”. Sipas verifikimeve të kryera në vendngjarje, 44-vjeçari po punonte për ngarkimin e disa sendeve në automjetin e tij privat.

Maliq, Korçë – Një 74-vjeçar është plagosur mëngjesin e sotëm në fshatin Pojan të Maliqit, pasi në banesën e tij ka shpërthyer një bombol gazi.

Sipas informacionit paraprak, ngjarja ka ndodhur rreth orës 06:50 në banesën e shtetasit Th. K.

Maliq/Informacione paraprake

Rreth orës 06:50, në banesën e shtetasit Th. K., rreth 74 vjeç, në fshatin Pojan, ka shpërthyer një bombol gazi. Si pasojë e shpërthimit, ka pësuar djegie në fytyrë vetë shtetasi Th. K., i cili po merr mjekim në spital, jashtë rrezikut për jetën.

Rreth orës 07:10, në qytetin e Maliqit, në lagjen “Krastafilak”, shtetasi I. K., 44 vjeç, duke ngarkuar disa sende në automjetin e tij, si pasojë e mos sigurimit të automjetit me frenë dore, automjeti ka lëvizur dhe e ka zënë poshtë, duke i shkaktuar humbjen e jetës.

Janë ngritur grupet hetimore për të dyja ngjarjet dhe po punohet për zbardhjen e plotë të rrethanave të tyre.