Dolli dhe një shqiponjë dhuratë, Trump shtron banket për liderin kinez: Fuqi me përgjegjësi

Presidenti amerikan Donald Trump priti në Shtëpinë e Bardhë presidentin kinez Xi Jinping për një darkë shtetërore, ku të dy liderët folën për një kapitull të ri në marrëdhëniet mes dy fuqive.

Xi tha se Shtetet e Bashkuara dhe Kina duhet të veprojnë së bashku si fuqi të përgjegjshme, ndërsa Trump ngriti një dolli për harmoninë, paqen dhe suksesin e dy vendeve.

Të dy liderët theksuan rëndësinë e stabilitetit dhe të një marrëdhënieje konstruktive, ndërsa çështje të tilla si tregtia, mineralet e rralla dhe gara për inteligjencën artificiale mbeten në qendër të marrëdhënieve dypalëshe.

Në darkën e organizuar në Shtëpinë e Bardhë morën pjesë drejtues të kompanive më të mëdha amerikane të teknologjisë, mes tyre Elon Musk, Tim Cook, Sam Altman, Jeff Bezos etjer. Trump i dhuroi liderit kinez dhe një statujë me shqiponjën, simbol të Shteteve të Bashkuara.