Demo vizitë tek IdentiTek: Ulje të tarifave për dokumentet e identitetit për kategoritë në nevojë

Soft

Demo vizitë tek IdentiTek: Ulje të tarifave për dokumentet e

Tarifat e dokumenteve të identitetit për kategori të caktuara të qytetarëve, që kanë më shumë nevojë për mbështetje, do të ulen. Gjatë vizitës në ambientet e IdentiTek, ministri i Punëve të Brendshme, Ervin Demo, u njoh nga afër me procesin e prodhimit dhe ofrimit të dokumenteve të identitetit, e theksoi se përmirësimi i shërbimit duhet të shoqërohet edhe me reduktimin e kostove për qytetarët, veçanërisht për kategoritë që kanë nevojë për mbështetje.

“Kemi nisur punën për uljen e tarifave të dokumenteve të identitetit për kategori të caktuara që kanë më shumë nevojë për mbështetje”, u shpreh ministri Demo, duke e cilësuar këtë një angazhim konkret në funksion të qytetarit.

Paralelisht, Ministria e Punëve të Brendshme dhe IdentiTek po punojnë për një shërbim më të shpejtë, më të thjeshtë dhe më të aksesueshëm. Procedura e zakonshme për pajisjen me dokument identiteti realizohet brenda 10 ditëve pune, ndërsa ajo e përshpejtuar brenda 3 ditëve pune.

Në fokus është edhe zgjerimi i shërbimeve online, përmes blerjes së kuponit dhe gjurmimit të dokumentit online, si dhe ofrimi i shërbimit në banesë ose në spital për qytetarët me vështirësi në lëvizje, brenda dhe jashtë vendit.

Po zgjerohet gjithashtu ofrimi i shërbimeve për shqiptarët jashtë vendit, përmes misioneve të posaçme në zona ku ka përqendrim të komunitetit shqiptar, por nuk ka shërbime konsullore, ndërsa puna do të vijojë edhe për zgjerimin e shërbimeve në vende të tjera në Azi dhe Australi.

Një tjetër prioritet është modernizimi teknologjik dhe rritja e standardeve të sigurisë. Në bashkëpunim me AKSHI-n dhe AKSK-në po punohet për realizimin e Letërnjoftimit Digjital, ndërsa po zhvillohet teknologjia për pasaportën e së ardhmes, me objektiv standardet e vitit 2030.

“Çdo përmirësim që bëjmë këtu duhet të përkthehet në diçka konkrete për qytetarin, më pak kohë, më pak kosto dhe më shumë shërbim”, u shpreh ministri Demo.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion