Ushtari amerikan arrestohet pasi fitoi 400 mijë dollarë duke vënë bast për rrëzimin e Maduros

Një ushtar i forcave speciale amerikane është arrestuar dhe akuzohet se ka përdorur informacione të klasifikuara për të përfituar financiarisht përmes basteve online mbi zhvillime politike ndërkombëtare.

Sipas BBC News, 33-vjeçari Gannon Ken Van Dyke dyshohet se ka fituar rreth 400 mijë dollarë duke vendosur baste mbi fatin politik të presidentit të Venezuelës, Nicolás Maduro.

Autoritetet amerikane thonë se Van Dyke kishte akses në informacione sekrete në lidhje me një operacion të planifikuar ndaj Maduro në janar 2026. Para se lajmi të bëhej publik, ai kishte vendosur baste në platforma online, duke parashikuar ndryshime në pushtetin e liderit venezuelian.

Kur zhvillimet ndodhën, bastet rezultuan fituese, duke i sjellë atij një shumë të konsiderueshme parash.

Prokurorët e akuzojnë ushtarin për përdorim të paligjshëm të informacionit të klasifikuar dhe mashtrim financiar, në një rast që po konsiderohet si një formë e re e “insider trading”, e aplikuar në tregjet e basteve mbi ngjarje reale.

Ngjarja ka ngritur shqetësime serioze për mënyrën se si informacionet sekrete mund të shfrytëzohen në epokën e platformave digjitale dhe tregjeve të parashikimeve.

Nëse shpallet fajtor, Van Dyke rrezikon dënim të rënd me burg./BBC