U ndoq dhe u rrethua nga arinjtë, shpëton mrekullisht 55-vjeçarja në Alaskë

Një ngjarje e frikshme ka ndodhur në Alaskë, por që fatmirësisht përfundoi pa pasoja në njerëz. Një grua 55-vjeçe u shpall e zhdukur, ndërsa bashkëshorti i saj tha se në telefonatën e fundit, ajo i kishte treguar se u ndoq nga një numër i madh arinjsh.

Fina Kiefer, 55 vjeçe, pasi telefonoi bashkëshortin e saj për ndihmë humbi kontaktet. Autoritetet dhe ekipe vullnetare dolën menjëherë në kërkim të 55-vjeçares duke kërkuar zonën nga toka dhe ajri të martën dhe të mërkurën. Pak pasi kërkimi u ndalua të mërkurën për shkak të motit të keq, një nga vullnetarët vuri re 55-vjeçaren dhe arriti ta shpëtonte atë. Fina Kiefer u dërgua menjëherë në spital për ndihmë mjekësore, por nuk ka pësuar lëndime serioze.