Starmer: Britania nuk ishte e përfshirë në sulmet e SHBA-së ndaj Venezuelës

Keir Starmer ka deklaruar se vendi i tij nuk është i përfshirë në sulmet e SHBA-së ndaj Venezuelës, dhe Kryeministri Britanik ka theksuar dëshirën e tij për të folur me Presidentin e SHBA-së Donald Trump për të kuptuar të gjitha ngjarjet që kanë ndodhur.

“Dua të sqaroj faktet së pari. Dua të flas me Presidentin Trump. Dua të flas me aleatët.

Dua të jem absolutisht i qartë: nuk kemi pasur asnjë përfshirje… dhe gjithmonë them dhe besoj se të gjithë duhet ta respektojmë ligjin ndërkombëtar”, tha Starmer në një deklaratë për transmetuesit britanikë.