Pas Francës, tashmë edhe Belgjika nis fushatën e vaksinimit për moshat 16-17 vjeç

Qeveria e Belgjikës ka vendosur të hapë fushatën e vaksinimit kundër covid-19 për moshat 16-17- vjeç. Sipas mediave vendase, kjo fushatë pritet të nisë nga korriku.

“Vaksinimi i kësaj grupmoshe do të kryhet në vazhdën e atij të 18-vjeçarëve. Nga korriku, ata do të fillojnë të marrin një ftesë për dozën e pare. Injeksonet do të bëhen me vaksinën BioNTech/Pfizer, që ka marrë miratim nga EMA për këtë grupmoshë”, thanë ministrat e Shëndetësisë të shtetit federal, në një njoftim për shtyp.

Ndërkohë kujtojmë se Franca njoftoi këtë javë hapjen e vaksinimit për të rinjtë e moshës 12 deri në 18 vjeç, nga 15 qershori. Vende të tjera europiane kanë marrë masa të ngjashme për të zvogëluar qarkullimin e COVID-19.