OBSH ngre alarmin: Europa ka më shumë të infektuar sesa të shëruar

Një deklaratë e fundit ka ardhur nga OBSH, lidhur me situatën e Covid-19 në Europë. Lajmin e dha kreu rajonal i OBSH për Evropën, Hans Klugen. “Bazuar në numrin e rasteve të konfirmuara, 5.5% e të gjithë popullsisë evropiane është infektuar nga koronavirusi, ndërsa 7% e saj është vaksinuar.”

Më tej ai u shpreh se edhe kur numri i rasteve të reja, shtrimeve në spital dhe viktimave bie, kërcënimi dhe rrezikshmëria e virusit mbetet, ai është ende potencial për të shkaktuar efekte shkatërruese. Sipas tij, për herë të parë në 2 muaj, pasi Evropa ishte përfshirë nga një valë e rrezikshme e COVID-19, rastet e reja të infektimeve dhe viktimave ka pësuar një ulje dhe stabilitet.

Klugen tha se masat anti-COVID të ndërmarra nga qeveritë e shteteve janë një faktor kyç në mbajtjen nën kontroll të situatës, duke shtuar se nuk mjaftojnë vetëm vaksinat për t’i dhënë fund pandemisë. Kreu i OBSH disa ditë më parë u shpreh se bota ka mjetet e duhura për të “luftuar” dhe për të vënë nën kontroll pandeminë, brenda disa muajsh, nëse ato përdoren në mënyrën e duhur.

Vaksinimi në Evropë pavarësisht problemeve dhe vonesave në shpërndaje po ecën tashmë me hapa më të qëndrueshëm, drejt mposhtjes së COVID-19 dhe imunizimit të tufës.