Nis takimi i shumëpritur mes Biden dhe Putin

Ka nisur takimi kokë më kokë mes presidentëve Biden dhe Putin. Ashtu siç ishte lajmëruar, takimi nisi mesditën e së mërkurës. Prej kohësh dy vendet kanë mosmarrëveshje, dhe çdo gjë u përkeqësua kur Biden quajti Putinin vrasës.

Të dyja palët kanë thënë se takimi në vilën piktoreske buzë liqenit në Gjenevë do të sjellë marrëdhënie më të stabilizuara, megjithëse të dyja palët u përmbahen qëndrimeve diametralisht të kundërta për pika fërkimi si ndërhyrja ruse në zgjedhjet amerikane, sulmet kibernetike dhe agresioni rus në Ukrainë.