Ndërsa përhapet gripi i shpendëve /Britania i drejtohet Evropës për gjelat e Krishtlindjeve

Shumë supermarkete të mëdha në Mbretërinë e Bashkuar janë detyruar të furnizohen me gjela deti nga pjesë të tjera të Evropës për të rimbushur raftet e tyre këtë Krishtlindje, ndërsa gripi i shpendëve është përhapur në të gjithë vendin.

Raportohet se rrjetet kryesore po furnizohen me gjela deti të importuara nga Evropa kontinentale në një përpjekje për të “mbrojtur disponueshmërinë” dhe për të siguruar furnizime të mjaftueshme për vaktet festive.

Sidoqoftë, siç raporton gazeta Guardian, shpendët e importuar nga vendet e tjera do të përbëjnë më pak se 10% të shitjeve të pritura.

Sipas një zëdhënësi të Këshillit Britanik të Shpendëve, shitësit me pakicë shpesh magazinojnë produkte të importuara për të siguruar një larmi të gjerë për klientët e tyre gjatë periudhës së Krishtlindjeve.

70 raste në më pak se tre muaj

Megjithatë, një burim i industrisë tha: “Vetëm në rrethana të jashtëzakonshme do të shqyrtojmë alternativa ndaj shpendëve të Mbretërisë së Bashkuar për të siguruar disponueshmërinë për klientët.”

Në më pak se tre muaj nga fillimi i këtij sezoni, 70 raste të gripit të shpendëve janë konfirmuar në të gjithë Mbretërinë e Bashkuar. Ky numër është afër 81 rasteve të regjistruara në të gjithë sezonin e mëparshëm, i cili zgjati nga 1 tetori 2024 deri më 30 shtator 2020.