Mjeti lundrues pësoi defekt, Franca shpëtonë mbi 100 emigrantë, po tentonin të kalonin në La Mansh

Rojat bregdetare franceze kanë shpëtuar 106 emigrantë që ndodheshin në një mjet lundrues i cili pësoi defekt gjatë përpjekjes për të kaluar Kanalin e La Manshit.

Operacioni i shpëtimit u krye pasi disa persona hasën vështirësi në det, ndërsa fillimisht u ndërhy për të ndihmuar shtatë prej tyre, përfshirë një grua që humbi ndjenjat dhe u evakuua me helikopter. Emigrantët e shpëtuar u transferuan në një anije shpëtimi dhe më pas u dërguan në Kale në orët e para të mëngjesit të së dielës

. Në një incident të veçantë, u shpëtuan edhe gjashtë persona të tjerë, duke e çuar numrin total të të shpëtuarve në 119.

Ngjarja ndodhi pak ditë pas marrëveshjes mes Britanisë dhe Francës me vlerë 662 milionë paund, e cila synon të frenojë kalimet e rrezikshme përmes Kanalit të La Manshit.

Sipas të dhënave zyrtare, nga fillimi i vitit deri më 22 prill, 6.077 persona kanë kaluar kanalin me mjete të vogla lundruese, shifër që paraqet rënie krahasuar me vitin e kaluar.