Mes tensioneve, Putini shpreh shqetësim për kërcënimin e Luftës së Tretë Botrore

Presidenti rus Vladimir Putin shprehu sot shqetësimin e tij në lidhje me rrezikun në rritje të një Lufte të Tretë Botërore, duke përmendur përshkallëzimin e konflikteve në Ukrainë dhe Lindjen e Mesme si vatra të rrezikshme.

“Tani ka shumë potencial për konflikt”, tha Putin në një fjalim në forumin e Shën Petersburgut. “Jemi të shqetësuar për mundësinë e një lufte globale. Të gjitha konfliktet duhet të zgjidhen me mjete paqësore.”

Putin kritikoi ashpër NATO-n për zgjerimin drejt lindjes, duke thënë se aleanca vazhdon të shpërfillë interesat e sigurisë së Rusisë. “Kjo është edhe një gjurmë e politikës neokoloniale të Perëndimit”, pohoi ai.

Ai shtoi gjithashtu se Presidenti i SHBA-së, Donald Trump, ishte zotuar të mbështeste kërkesën e Rusisë për të garantuar sigurinë e personelit të saj në centralin bërthamor të Iranit në Bushehr.

Lidhur me Lindjen e Mesme, Putin komentoi mbi kërcënimin e raportuar të Izraelit për të vrarë Ali Ajatollah Khamenein, udhëheqësin suprem të Iranit, duke thënë: “Shpresoj që kjo të mbetet vetëm retorikë.”

Duke riafirmuar qëndrimin e tij ndaj Ukrainës, me luftën që tani është në vitin e saj të katërt, ai tha: “Unë besoj se popujt rusë dhe ukrainas janë një. Në këtë kuptim, e gjithë Ukraina është e jona. Kudo që shkel një ushtar rus është e jona.”