Konfirmuan lidhjen, Melisa bën dedikimin e bukur për Andin: Ti je bota për mua...

Vetëm një ditë më parë Melisa e “Përputhen” publikoi këngën e saj të dytë, të titulluar “Leje”.

Videoklipi i ri konfirmoi më në fund lidhjen e saj me Andin, i cili ishte protagonist në klip.

Në një kohë të shkurtër “Leje” ka marrë një milion shikime në Youtube. Këtë e ka treguar Melisa me anë të një postimi në Instagram, ku shfaqet pranë Andit.

Për herë të parë ajo ka folur për lidhjen e saj me ish-konkurrentin e “Përputhen”. Melisa shprehet se Andi është e gjithë bota për të.

“Nuk e di nëse jam më e lumtur për suksesin e këngës apo për faktin se tani mund t’i tregoj botës sa shumë të dua. Oh prit, ndoshta vetëm për këngën sepse ti je bota për mua”, ka shkruar ajo.