Italiani tenton të vrasë shqiptarin, e qëllon me armë pas sherrit në lokal

Një italian ka plagosur një shqiptar me armë zjarri mbrëmjen e djeshme. Ngjarja ka ndodhur jashtë një lokali në Massa Lombarda ku një 41-vjeçar italian ka qëlluar me armë ndaj shqiptarit.

Autoritetet bënë të mundur arrestimin e 41-vjeçarit italian nën akuzën e tentativës së vrasjes.

Pasi u plagos, shqiptari u transportua me helikopter në spitalin e Traumës në Cesena ku iu nënshtrua një ndërhyrje në këmbë.

Sipas mediave italiane, nuk dihet ende shkaku i kësaj plagosje teksa autoritetet po punojnë për dokumentimin dhe zbardhjen e plotë të saj.