Sulmi në stacionin e trenit në Kramatorsk, rëndohet bilanci i viktimave

Është rënduar bilanci i viktimave nga sulmi në stacionin e trenit 2 ditë më parë në Ukrainë.

Kreu i administratës ushtarake rajonale të Donetsk tha të dielën se numri i të vdekurve nga një sulm me raketa ruse në stacionin e trenit në Kramatorsk, Ukrainë, ishte rritur në 57.

“Që nga ora 11 e mëngjesit të sotëm, 10 prill gjithsej është 57 të vdekur, 109 të plagosur,” tha Pavlo Kyrylenko.

“Të lënduarit e lehtë janë liruar për të shkuar në shtëpi, të lënduarit e rëndë po transportohen në rajone të sigurta dhe po iu ofrohet ndihma e nevojshme”.