Gruaja nxirrte qumësht nga sqetullat, mjekët arrijnë të zbulojnë enigmën më në fund

Dy ditë pas lindjes së foshnjes së saj një grua u tregoi mjekëve se kishte dhimbje në sqetullën e majtë.
Pas ekzaminimit, mjekët zbuluan se gruaja kishte një masë të rrumbullakët të fortë e cila çuditërisht lëshonte një lëng të bardhë kur shtypej.

Autorët e punimit, Dr Cristiana Marinho-Soares dhe Dr Maria Pulido-Valente, të dy nga Spitali de Santa Maria në Lisbonë, Portugali, kuptuan se ky shkarkim ishte qumështi i gjirit.

Nëna u diagnostikua me polimasti, "një gjendje në të cilën indet ndihmëse të gjirit zhvillohen përgjatë ish kurrizit të qumështit embrional" siç shpjeguan mjekët.

Ky ind shtesë rritet si rezultat i zhvillimit embrional - shpesh në rajonin e sqetullës - kur qelizat që bëhen gjëndra të qumështit formojnë një vijë nga sqetulla në ijë.

Zakonisht kjo "kreshtë e qumështit" ose "vija e qumështit" zhduket ndërsa fetusi zhvillohet, por ndonjëherë mbetet dhe indet e gjirit shtesë formohen në këto vende në trup.

Në disa raste, indi shtesë i gjirit mund të shfaqet me thithka mbinumërore, por edhe në rastet kur nuk ka thith, atëherë mund të jetë e mundur të ekspirohet qumështi nga indi.

Siç është raportuar nga Live Science, një punim kërkimor i botuar në revistën Mayo Clinical Proceedings në 1999 përshkroi një nënë 18-vjeçare e cila ishte në gjendje të pomponte qumësht nga indet e gjirit në sqetull në mënyrë që të lehtësonte dhimbjen.