Gjenden 4 të vdekur në spital, arrestohet 51-vjeçarja e dyshuar për krimin

Të paktën 4 persona janë gjetur të vdekur në një klinikë në Potsdam, Gjermani, dhe e dyshuar për këtë krim është një 51-vjeçare, e cila ka përfunduar në pranga. Mediat gjermane shkruajnë se policia u thirr në klinikë të mërkurën rreth orës 21:00 ku gjeti 4 të vdekur dhe një të plagosur rëndë.

Për këtë ngjarje, zëdhënësi i policisë, Thorsten Herbst tha se viktimat kanë pasur lëndime të jashtme që tregonin dhunë. Policia ende po heton rrethanat dhe një punonjëse e klinikës është arrestuar.

Sipas mediave, viktimat ishin pacientë të klinikës që kujdeseshin për personat me aftësi të kufizuara. Ende nuk është zbuluar shkaku i këtij krimi.