FBI kryen kontrolle në shtëpinë dhe zyrën e ish- avokatit të Donalt Trump, ja për çfarë akuzohet

Rudy Giuliani, ish- avokati i Donald Trump është nën hetim nga FBI. Mediat e huaja shkruajnë se FBI ka kryer kontrolle në shtëpinë dhe në zyrën e tij, pas dyshimeve për një lidhje me Ukrainën, por ai e mohon.

Mediat shkruajnë se ish- avokati i Trump akuzohet se përpara zgjedhjeve presidenciale amerikane të vitit 2020 është përpjekur për të zbuluar informacione inkriminuese për kandidatin demokrat Joe Biden dhe djalin e tij Hunter Biden, në lidhje me Ukrainën dhe bizneset e tij. Presidenti Biden dhe djali i tij i kanë mohuar këto pretendime.

FBI sekuestroi disa pajisje elektronike gjatë kontrolleve në shtëpinë dhe zyrën e ish-kryebashkiakut të Neë York, Giuliani. Hetimet përfshinin një pretendim se Giuliani nuk arriti të regjistrohej si një agjent i huaj. Akti i Regjistrimit të Agjentëve të Huaj kërkon që njerëzit të njoftojnë Departamentin e Shtetit nëse veprojnë si agjent i huaj në emër të një kombi tjetër.