E rëndë/ Shpërthen fabrika e fishekzjarrëve, raportohet për disa të vdekur

Një ngjarje e tragjike ka ndodhur mbrëmjen e djeshme në shtetin jugor indian Tamil Nadu, ku kanë humbur jetën 25 persona dhe 4 të tjerë ndodhen në gjendje të rëndë pasi një fabrikë fishekzjarrësh shpërtheu.

Zyrtarët deklaruan se fabrika duhej të ishte e mbyllur, por rreth 50 punëtorë ishin brenda në atë kohë, të cilët po punonin.

Ndërsa një shpërthim i dytë ndodhi teksa operacionet e shpëtimit ishin në vendngjarje, si pasojë u plagosën 13 persona të tjerë, megjithëse asnjëri nuk pësoi djegie serioze.

Shkaku i shpërthimit ende nuk dihet, ndërsa një hetim është duke u zhvilluar.

Një dëshmitar okular, i cili po trajtohet në spital, deklaroi për mediat se rreth 25 persona po punonin në verandën përpara fabrikës kur shpërtheu zjarri, duke dëmtuar të paktën tre dhoma dhe duke i shndërruar pjesë të ndërtesës në rrënoja.

Ndërkohë një padi është ngritur kundër pronarit të fabrikës dhe përgjegjësit të punës, të dy të cilët janë në arrati, deklaroi policia.