“Dyshojnë se Izraeli mund ta vrasë”, New York Times: Presidenti i Iranit po trajton personalisht Mojtaba Khamenein

The New York Times ka raportuar detaje të reja mbi situatën e brendshme të udhëheqjes në Irani, duke përshkruar një izolim të fortë të udhëheqësit të ri suprem, Mojtaba Khamenei.

Sipas raportit, autoritetet iraniane kanë kufizuar ndjeshëm kontaktet me të, nga frika se mund të gjurmohet dhe të bëhet objekt sulmesh. Ai thuhet se është i rrethuar nga staf mjekësor dhe një zinxhir i ngushtë sigurie, ndërsa komunikimet kalojnë përmes korrierëve të posaçëm.

Raporti përmend gjithashtu se disa figura të larta shtetërore dhe ushtarake, përfshirë komandantë të Gardës Revolucionare të Iranit, po luajnë rol qendror në vendimmarrjen për çështje sigurie, lufte dhe diplomacie, duke kufizuar ndikimin e institucioneve të tjera.

Sipas burimeve të cituara nga gazeta, strukturat e sigurisë e shohin situatën aktuale si një kërcënim serioz për stabilitetin e regjimit, ndërsa vendimmarrja strategjike po përqendrohet te një grup i vogël ushtarakësh dhe aleatësh të tyre.