Digjet ndërtesa e banimit në Tajvan, vdesin 9 persona, plagosen 44 të tjerë

Një ndërtesë 13 katëshe në Tajvan është përfshirë nga zjarri e për pasojë kanë ndërruar jetë 9 persona dhe kanë mbetur të plagosur 44 të tjerë. Ndërtesa 13-katëshe u dogj rreth orës 3 të mëngjesit, thanë zyrtarët e Departamentit të zjarrfikësve në qytetin Kaohsiung.

Zjarrfikësit vazhduan me përpjekjet e kërkim-shpëtimit deri në orët e pasdites. Zjarri ishte “jashtëzakonisht i egër” dhe shkatërroi shumë kate të ndërtesës, thuhet në një deklaratë nga Departamenti i zjarrfikësve. Zjarrfikësit nuk janë të sigurt për burimin e zjarrit, por vunë re se flakët ishin më intensive aty ku ishte grumbulluar shumë rrëmujë.

Dëshmitarët okularë u thanë mediave lokale se kishin dëgjuar zhurmën e një shpërthimi rreth orës 3 të mëngjesit. Ndërtesa është e vjetër rreth 40 vite me dyqane në nivelet më të ulëta dhe apartamente sipër. /TCH