Covid-19 në Greqi, 41 të vdekur dhe mbi 2 mijë të infektuar në 24 orët e fundit

Ministria e Shëndetësisë në Greqi ka bërë me dije se në 24 orët e fundit, të paktën 41 persona kanë ndërruar jetë si pasojë e Covid-19. Sipas raportit ditor, kanë rezultuar të infektuar 2,383 persona, duke shkuar në 679,157 që nga fillimi i pandemisë.

Ndërkohë, 287 nga personat e infektuar që janë intubuar, mësohet se janë të pavaksinuar. Qeveria vijon thirrjet për vaksinimin, ndërsa janë bërë disa pezullime për punonjës të shëndetësisë, që kanë refuzuar këtë kërkesë.