Biden në samitin e NATO-s: Kemi sfida të reja, Kina dhe Rusia nuk po sillen siç duhet

Presidenti i SHBA-ve, Joe Biden, në samitin e parë të NATO-s tha se kjo është parë si një mënyrë për të forcuar marrëdhëniet transatlantike të dëmtuara gjatë presidencës 4 vjeçare të ish-presidentit Donald Trump.

“Ne kemi shumë sfida të reja. Ne kemi Rusinë, e cila nuk po sillet ashtu siç pritet dhe Kina po ashtu. NATO, është tejet e rëndësishme për SHBA. Besoj dhe e kam thënën këtë gjithmonë, është një obligim i shenjtë. Kur SHBA, u sulmuan për herë të parë që nga fundi i Luftës së Dytë Botërore, NATO iu gjend pranë. SHBA janë gjithmonë në krah të Evropës”, tha Biden.

Edhe kryeministri italian, Mario Draghi ka folur për këtë samit. “ Ky samit është vazhdimësi e Samitit të G7 të mbajtur në ditët e fundit. Jemi këtu për të ri konfirmuar vazhdimësinë e marrëdhënieve të fuqishme transatlantike”, tha ai.