Anëtarësimi i Shqipërisë, Sassoli thirrje Bashkimit Europian të mbajë fjalën

Zgjerimi i BE, sipas presidentit të Parlamentit Evropian, David Sassoli, do ishte pozitiv për paqen dhe prosperitetin. Më tej Sassoli u ka bërë thirrje për anëtarësimin e shteteve të Ballkanit Perëndimor në Bashkimin Evropian.

“Zgjerimi mund të sjellë përfitime të mëdha si në rajon dhe në Evropë si një e tërë, duke ndihmuar në sigurimin e një kontinenti të qëndrueshëm, me prosperitet dhe paqësor. Reformat duhet të përfundojnë në secilin prej këtyre vendeve,” tha Sassoli.

Ai shton se BE duhet të mbajë premtimet e tij dhe të njohë përparimin e bere. BE tashmë po zhvillon bisedimet e pranimit me Malin e Zi dhe Serbinë, ndërsa Shqipëria dhe Maqedonia e Veriut janë kandidatë zyrtarë.