Alarmi! Deti Marmara po “vritet” nga ndryshimet klimatike, Turqia merr masat emergjente

Ditën e sotme, Turqia mësohet se do nisë një fushatë të madhe të pastrimit për të shpëtuar Detin Marmara nga algat e tepërta. Ministria e Mjedisit dhe Urbanizimit e Turqisë njoftoi se do të fillojë fushatën pa ndërprerje për të pastruar rritjen e fundit të mukozës që mbulon sipërfaqen e pjesëve të Detit Marmara në veriperëndim të vendit.

Po ashtu, ministria njoftoi se e gjithë plani do merret përsipër nga Ministria e Mjedisit dhe Urbanizimit, Ministria e Transportit dhe Infrastrukturës, Ministria e Bujqësisë dhe Pyjeve, Ministria e Shëndetësisë, Ministria e Punëve të Brendshme, institucionet kompetente, organizatat joqeveritare në koordinim me bashkitë që kanë bregdet

Mediat ndërkombëtare shkruajnë se shkak për këtë gjendje janë bërë mukoza. Shtresa e trashë, e ngjashme me mukusin, përmban një larmi mikro-organizmash dhe shkaktohet nga rritja e temperaturës së ujit të detit për shkak të ngrohjes globale, ujit të pa lëvizur dhe ndotjes.

Fushata do të fillojë në orën 2 pasdite sipas kohës lokale në plazhin ‘Caddebostan’ të Stambollit.