Sulm i armatosur, humbin jetën 25 persona, plagosen rëndë 5 të tjerë

Bota

Sulm i armatosur, humbin jetën 25 persona, plagosen rëndë 5

Në provincat Benue dhe Plateau të Nigerisë 25 persona humbën jetën si pasojë e sulmeve të armatosura.

Sipas raporteve të mediave kombëtare, 11 persona u vranë në sulmin në rajonin Agatu të provincës Benue.

Ndërsa 14 persona u vranë dhe 5 tjerë u plagosën në një sulm të armatosur të kryer nga sulmues të paidentifikuar në rajonin Bassa të provincës Plateau.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Shumë shtëpi u dogjën dhe shumë bagëti u zhdukën gjatë sulmit.

Zëdhënësi i policisë në provincën Plateau, Simon Ubah Ogaba konfirmoi sulmin por nuk dha detaje për numrin e të vdekurve.

Ogaba theksoi se forcat e sigurisë u dërguan në vendngjarje dhe më pas filloi një hetim.

Ndalohet përdorimi i motoçikletave

Përdorimi i motoçikletave është ndaluar në disa provinca për shkak të sulmeve të fundit të armatosur me motoçikleta në vend.

Rajonet janë skenë e konflikteve të dhunshme midis grupit etnik Fulani, pjesëtarët e të cilit merren me blegtori dhe disa fiseve që merren me bujqësi.

Pjesëtarët e grupit etnik Fulani të cilët migruan në jug të vendit për të kullotur kafshët e tyre, pretendojnë se fermerët u përpoqën të vidhnin kafshët e tyre dhe i sulmuan ata.

ME TE LEXUARAT