Beteja për rregulloren e GJKKO-së, zbulohet lëvizja e radhës e Gjykatës Kushtetuese

Gjykata Kushtetuese ka caktuar me short gjyqtarin Asim Vokshi për çështjen e ngritur nga Asociacioni i Gazetarëve të Shqipërisë kundër rregullores së re të GJKKO-së. Asociacioni kërkon pezullimin e rregullores deri në vendimin përfundimtar, si edhe shfuqizimin e saj.

 Kërkesa u depozitua më 14 shtator. Sipas AGSH-së, rregullat e reja pengojnë gazetarët të ndjekin dhe të raportojnë seancat gjyqësore, si dhe kufizojnë marrjen e informacionit. Ndër masat që kundërshtohen janë ndalimi i përdorimit të celularëve dhe i regjistrimit audio gjatë seancave, si edhe procedurat e akreditimit.

Rregullorja hyri në fuqi më 1 shtator. GJKKO ka deklaruar se ajo synon të forcojë sigurinë dhe administrimin e proceseve gjyqësore. Caktimi i gjyqtarit është hap procedural ndërkohë që Gjykata Kushtetuese nuk ka vendosur ende për kërkesën e gazetarëve