Zjarret në Gjirokastër, shënohet viktima e parë, dyshohet se u asfiksua

Zjarret që kanë pushtuar vendin kanë shënuar edhe viktimën e parë.

Sipas ABC, për shkak të flakëve të zjarrit një person është asfiksuar dhe ka humbur jetën.

Ngjarja ka ndodhur në fshatin “Asim Zenel” në Gjirokastër.

Ndërkohë vetëm pak më parë ministri i Mbrojtjes Niko Peleshi përmes një postimi në rrjetin social Facebook, ka reaguar në lidhje me riaktivizimin e vatrave të zjarrit në Lunxhëri ku bënte thirrje banorëve që të jenë bashkëpunues në rast evakuimi.