U përplas nga “Fouristrada”, ndërron jetë në spital 50-vjeçari në Fier

Nje aksident i rende ka ndodhur mbremjen e sotme ne Fier ku nje person ka humbur jeten.

Policia informoi se rreth orës 21:30, në vendin e quajtur “Kryqëzimi i Grecallisë”, Fier, shtetasi me iniciale B. H., 20 vjeç, duke drejtuar një automjet tip “Range Rover”, ka aksidentuar këmbësorin, shtetasin D. Gj., rreth 50 vjeç.

Si pasojë e aksidentit, ka ndërruar jetë në spital shtetasi D. Gj.

Drejtuesi i automjetit, shtetasi B. H., është shoqëruar në Komisariat nga shërbimet e Policisë, për veprime të mëtejshme.

Burime nga policia thane se grupi hetimor po punon për sqarimin e plotë të rrethanave të aksidentit.