U arrestua pak metra larg SPAK, kërkohen 17 vite burg për Islam Sefën, "koka" e grupit kriminal që mbushi Gjermaninë me drogë

Aktualitet

U arrestua pak metra larg SPAK, kërkohen 17 vite burg për Islam

Prokuroria e Posaçme kërkon në gjykatë dënimin me 17 vite burg të Islam Sefës, personi që akuzohet se është "koka" e një grupi kriminal shqiptaro-gjerman, që ka trafikuar sasi të mëdha droge në Gjermani.

Një vit më parë, Islam Sefa ra në prangat e Policisë teksa konsumonte kafe në një lokal 100 metra pranë godinës së Prokurorisë së Posaçme kundër Korrupsionit dhe Krimit të Organizuar.

Sipas SPAK, ai rezulton se është drejtuesi dhe financuesi i trafikut të drogës në Gjermani me vlerë mbi 3 milionë euro, bashkë me njëmbëdhjetë persona të tjerë, nga të cilët në total 8 shqiptarë dhe 4 gjermanë.

Këta persona, në bashkëpunim me njëri-tjetrin gjatë viteve 2020-2021, kanë importuar në Republikën Federale Gjermane, sasi të konsiderueshme lënde narkotike të llojit marijuanë. Droga që sigurohej kryesisht nga Shqipëria dhe Spanja, e cila pasi futej në territorin gjerman, është tregtuar në rajonin Wolfsburg-ut, Magdeburg-ut, si dhe në vende të tjera të Bashkimit Evropian.

Gjatë hetimeve janë evidentuar 9 episode dhe është provuar se sasia e lëndës narkotike e trafikuar ka qenë 912 kg marijuanë, kurse vlera rreth 3.374.400 (tremilionë e treqindë e shtatëdhjetë mijë e katërqind) euro.

Islam Sefa ra në prangat e Policisë së Shtetit në Korrik 2024, teksa ndodhej shumë pranë godinës së SPAK. Ai kishte shkuar në lokal dhe po priste të takonte avokatin e tij, por është arrestuar nga agjentët e BKH-së dhe Policisë së Shtetit.

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion