Shkaktuan dy aksidente në Fier, arrestohen drejtuesit e mjeteve

Policia e Fierit ka vënë në pranga dy drejtues mjetesh pas shkaktimit të dy aksidenteve rrugore.

Olsi Cane, 40 vjeç, u arrestua pasi u përplas me një tjetër mjet gjatë drejtimit të automjetit. Ndërsa 67-vjeçari Zini Fejzulla, i cili po drejtonte motorin në gjendje të dehur dhe u përplas me një makinë, i është komunikuar masa e arrestit me burg ndërsa ndodhet nën kujdesin e mjekëve në spital.

Ndaj të dyve rëndojnë akuza për shkelje të rregullave të qarkullimit rrugor.