Plagosi babë e bir gjatë një sherri në hyrje të pallatit, arrestohet autori në Tiranë

Policia e Tiranës ka arrestuar Kristjan Thaçin, autorin e plagosjes së dy fqinjëve të tij në kryeqytet.

Thaçi plagosi në hyrje të pallait të tyre babë e bir, Arben dhe Marjo Miha, përkatësisht 60 dhe 21 vjeç.

Siç u raportua më herët, shkak i sherrit mes tyre ka qenë zhurma në pallat.

“Pse bëni zhurmë në pallat?”, mësohet se u ka thënë 34-vjeçari fqinjëvë të tij gjatë debatit mes tyre, i cili më pas degradoi në përdorimin e thikës dhe sendeve të forta.

Ngjarja ka ndodhur në hyrje të pallatit ku ata të tre banojnë, rreth orës 16:15, në rrugën “Shyqyri Ishmi”.

Ndërkohë, Arben dhe Marjo Miha, të cilët ndodhen në spital për ndihmë mjekësore janë jashtë rrezikut për jetën.