Paradë mode në korridoret e Gjykatës, Enkeleda Kapedani “zbulon” kush ia ka publikuar videot në “Tik Tok”

Aktualitet

Paradë mode në korridoret e Gjykatës, Enkeleda Kapedani

Gjyqtarja e Elbasanit Enkeleda Kapedani, pritet që ditën e hënë, më 7 qershor të dalë para Këshillit të Lartë të Drejtësisë për t’u njohur me vendimin për hetimin e nisur ndaj. Inspektori i Lartë i Drejtësisë ka kërkuar që ajo të shkarkohet pas videove skandaloze që publikonte në profilin e saj në Tik Tok.

Në 1 Qershor, Enkeleda Kapedani ka qëndruar për rreth 3 orë në ambientet e ILD, ku është marrë në pyetje, para se kërkesa për shkarkim t’i dërgohej Këshillit të Lartë të Drejtësisë. Kapedani në ILD ishte shprehur “videot nuk i kam publikuar unë”, duke pretenduar se dikush mund t’ia ketë marrë ato nga celulari.

Në këto kushte, Inspektoriati (ILD) që është përgjegjës për hetimin e magjistratëve dhe nisjen e hetimeve disipinore ndaj tyre, e ka pyetur Enkeleda Kapedanin nëse ishte e vetëdijshme që videot ishin regjistruar nga vetë ajo në ambient pune. Madje, sipas ILD-së këto video janë bërë në një kohë kur ajo e ka të ndaluar regjistrimin e ambienteve të punës dhe zyrës.

E gjendur në vështirësi, Enkeleda Kapedani nuk ka dhënë përgjigje të qartë për shkeljet që ka bërë. Ajo ka pretenduar përsëri se nuk i ka publikuar ajo videot.

Sot, dalin detaje të reja nga marrja në pyetje e gjyqtares. Duke se kryetarja e Gjykatës së Elbasanit e ka gjetur “autorin/ët” e vidove. Ajo është shprehur se pamjet mund të jenë publikuar nga dy fëmijët e saj të vegjël, përkatësisht 5 dhe 7 vjeç. “Ato mund t’i kenë hedhur fëmijët e mi, vajza dhe djali, njëri 5 dhe tjetri 7 vjeç”, ka thënë gjyqtarja Enkeleda Kapedani në ILD.

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion