Tritoli u hodh nga një person me motor, flet pronari i “Audi”-it në Shkodër: Kam pasur debate me …

Një shpërthim ka tronditur qytetin e Shkodrës në orët e para të mëngjesit. Një sasi lënde plasëse i është vendosur një automjeti tip “Audi” i parkuar në parkingun e një supermarketi pranë Teatrit Migjeni në Shkodër, rreth orës 4”20 minuta.

Si pasoje e shpërthimit të forte, automjeti është dëmtuar pothuajse plotësisht.

Nga kamerat e sigurisë u vu re një person që ka ardhur në vendin e ngjarjes me motor dhe ka hedhur një shishe me benzinë molotov dhe ka ndodhur shpërthimi.

Po ashtu mësohet se Bledar Freskina, pronar i “Audi”-it, rezulton të ketë në pronësi dhe një lokal në Shkodër.

Mot i paqëndrueshëm, parashikimi për ditën e sotme

Siç shihet në foto tavani i mjetit është shkrumbuar nga flakët, ndërsa kofano e “Audi-t” është shkatërruar plotësisht.

“Shkodër/Informacion paraprak

Rreth orës 04:30, shtetas ende të paidentifikuar dyshohet se kanë hedhur një sasi të vogël lënde plasëse në automjetin e parkuar në bulevardin “Bujar Bishanaku”, në pronësi të shtetasit B. F., 40 vjeç. Nga ngjarja ka vetëm dëme të pjesshme materiale.

Shërbimet e Policisë dhe grupi hetimor kanë shkuar menjëherë në vendin e ngjarjes ku po punojnë për të përcaktuar autorsinë e rastit, si dhe për të zbardhur rrethanat”, thuhet në njoftimin e policisë.