Operacioni “Ura”/ Me dy pistoleta në makinë, arrestohen 4 persona në rrugën e Ndroqit (EMRAT)

Aktualitet

Operacioni “Ura”/ Me dy pistoleta në makinë, arrestohen 4

TIRANË- Katër persona janë arrestuar në Tiranë për armëmbajtje pa leje. Gjatë operacionit të koduar “Bridge” u arrestuan Adrian Vladi, Aleks Vajda, Festim Rrustemi dhe Bermis Gjana.

Po ashtu, si provë materiale janë sekuestruar dy pistoleta, njëra prej tyre me mulli, municion luftarak, një shpatë, 3605 euro, një automjet, si dhe 6 aparate celulare.

TIRANË

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Qarkullonin të armatosur në një automjet, vihen në pranga 4 persona. Sekuestrohen dy armë zjarri pistoleta, njëra prej tyre me mulli, municion luftarak, një shpatë, 3605 euro, një automjet, si dhe 6 aparate celulare.

Shërbimet e Komisariatit të Policisë Nr. 6, në vijim të punës për goditjen e rasteve të armëmbajtjes pa leje, bazuar dhe në inteligjencën informative se në rrugën Ndroq-Tiranë, me një automjet tip “Mercedes Benz”, po qarkullonin persona të armatosur, menjëherë kanë organizuar punën për kapjen e tyre dhe kanë finalizuar operacionin policor të koduar “Bridge” (Ura).

Si rezultat i këtij operacioni u arrestuan në flagrancë shtetasit:
– Adrian Vladi, 35 vjeç, Aleks Vajda, 42 vjeç, Festim Rrustemi, 35 vjeç, dhe Bermis Gjana, 22 vjeç, të katër banues në Durrës.

Në vendin e quajtur “Ura e Beshirit”, shërbimet e Policisë kanë ndaluar automjetin tip “Mercedes Benz”, me drejtues shtetasin F. Rr., dhe pasagjerë 3 shtetasit e tjerë. Gjatë kontrollit të automjetit, u gjetën dy armë zjarri pistoleta, njëra prej tyre me mulli, municion luftarak, 3605 euro dhe 2000 lekë të rinj. Në vijim të veprimeve, gjatë kontrollit të banesës së shtetasit B. Gj., u gjet një shpatë.

Në cilësinë e provës materiale u sekuestruan dy armët e zjarrit pistoleta, një shpatë, shuma 3605 euro dhe 2000 lekë të rinj, automjeti si dhe 6 aparate celulare.

Materialet i kaluan Prokurorisë, për veprime të mëtejshme procedurale.

ME TE LEXUARAT