Moti i keq/ Vijojnë punimet për heqjen e masiveve shkëmbore në aksin Qukës-Qafë Plloçë

Vijojnë punimet për heqjen e masiveve të mëdha të shkëmbinjve në aksin rrugor Qukës-Qafë Plloçë, pas rrëshqitjeve të ndodhura si pasojë e kushteve të përkeqësuara atmosferike.

Burime të sigurta bëjnë me dije se, për shkak të vështirësisë së ndërhyrjes dhe rrezikut të vazhdueshëm nga shembjet, ky segment rrugor do të mbetet i bllokuar për të gjitha automjetet të paktën edhe për 7 ditë.

Në zonë po punohet me mjete të rënda për largimin e shkëmbinjve dhe stabilizimin e shpatit, ndërsa autoritetet u bëjnë thirrje drejtuesve të mjeteve të shmangin këtë aks dhe të përdorin rrugë alternative deri në njoftimin e radhës.