“Mora para nga policët për të votuar PS-në”, shoqërohet në komisariat denoncuesi

Policia e Lezhës mësohet se ka shoqëruar në komisariat një person i cili ka denoncuar se ka marrë një shumë prej 20 mijë lekësh për votat e 4 pjesëtarëve të tij të familjes.

Qytetari pretendonte se votat ishin blerë për interes të Partisë Socialiste dhe lekët u ishin shpërndarë nga vetë policë.

Mësohet se Drejtoria Vendore e Policisë Lezhë kanë bërë shoqërimin në polici të shtetasit G.P i cili ka deklaruar se “ka marrë para në këmbim të votës dhe se këto para i ka marrë nga policia”, por pa specifikuar personat dhe vendin ku i ka marrë këto para.