Kthjellime dhe vranësira kalimtare, ja parashikimi i motit për ditën e sotme

Moti në vendin tonë për ditën e sotme, do paraqitet me kthjellime dhe vranësira kalimtare ku në skajin verior dhe zonat lindore priten edhe reshje të izoluara dhe të pakta. Sipas MeteoAlb, në pjesën e dytë të ditës, pritet largim i vranësirave dhe mbizotërim të motit me diell në territorin shqiptar.

Temperaturat e ajrit do të ulen  në mëngjes ku minimumi do jetë 2°C, por rritje të lehtë sjellë dhe mesdita ku maksimumi në rang vendi do shënojë 18°C. Era do fryjë mesatare me shpejtësi 30 km/h nga drejtimi Jugperëndimor duke krijuar në det dallgëzim 3 ballë.