Kontrollonin tregun e drogës në Lombardi, shkatërrohet banda italo-shqiptare. Dhjetë të arrestuar

Guardia di Finanza në Lecco, Itali, gjatë një aksioni anti-drogë, ka vënë në pranga 10 persona.

Mes të ndaluarve ka shtetas italianë dhe shqiptarë, të cilët akuzohen se drejtojnë një grup kriminal, i cili administron trafikun e narkotikëve në zonën mes Lecco, Monzas, Brianzas, Sondrios dhe Milanos.

Gjatë operacionit janë kontrolluar disa banesa, të cilat janë përdorur nga të arrestuarit, raportojnë mediat italiane.

Ende nuk dihen identitetet e të arrestuarve.

Rajoni i Lombardisë në Itali është një prej zonave ku grupet  kriminale shqiptare dominojnë tregun e lëndëve narkotikëve, ndërsa ditët e fundit janë raportuar disa arrestime.