Ish-drejtuesi i Policisë fajëson autoritetet për atentatin në Rinas: Kush ua hapi rrugën në trafik autorëve?

Pas atentatit në Rinas që tronditi Tiranën një ditë më parë, dhe la të vdekur Gilmando Danin e të plagosur mikun e tij, Muçi Shaljani.

Kadri Voga, ish-shef policie dhe banor i fshatit Halil, ku u gjet makina e djegur e autorëve, ka reaguar me tone të forta ndaj institucioneve të rendit.

“Jam banor i këtij fshati dhe përfaqësues i këtij komuniteti. Jemi të keqardhur që mjeti i krimit u gjet në fshatin tonë, nuk duhet të kishte ndodhur”, shprehet ai.

Në një reagim nga fshati i tij, Voga u shpreh se ngjarja është një dështim i shtetit, duke theksuar se vrasja ndodhi në zonën më të sigurt të vendit, aeroportin e Rinasit, ndërkohë që policia nuk bëri asnjë lëvzje edhe pse komisariati është vetëm disa metra larg.

Në fushë-krujë trafiku është gjithmonë i rënduar, si ka mundësi të kalojë makina me xhama të zinj pa asnjë problem? Kush ua hapi rrugën?- shprehet Voga.

Ai fajësoi strukturat e rendit për neglizhencë dhe lidhje me krimin, ndërsa kërkoi dorëheqjen e ministres së Brendshme Albana Koçiu, drejtorit të Policisë së Tiranës dhe shefit të komisariatit të Rinasit. Ballkanweb