Krimi në Laç, policia identifikon 25-vjeçarin që ndërroi jetë sot tek Spitali i Traumës!

Ka ndërruar jetë në spitalin e Traumës 25-vjeçari Gerald Bitri, një nga pesë të plagosurit e përplasjes me armë mesditën e së shtunës në Laç. 25-vjeçari nuk ka mundur t'u mbijetojë plagëve të marra dhe ka gjetur vdekjen gjatë natës.

Geri Bitri u dërgua në spitalin e Traumës në gjendje të rëndë shëndetësore. Në gjendje të rëndë në spitalin e Traumës është edhe Ndoj, 26-vjeç, ndërsa tre të plagosurit e tjerë Daniel Gjeloshi, 26-vjeç, Liridon Ismaili, 26-vjeç, dhe Angjelina Gjezaj, 58 vjeç janë në gjendje stabël me dëmtime në gjymtyrët e poshtme.

"Kurbin/Informacion shtesë. Në vijim të informacionit paraprak të dhënë mesditën e djeshme, lidhur me ngjarjen e ndodhur pranë ish-Gjykatës së Kurbinit, ju informojmë se si pasojë e plagëve të marra nga arma e zjarrit, ka ndërruar jetë në Spitalin e Traumës në Tiranë, shtetasi G. B., 25 vjeç.

Në njoftimin paraprak, gjeneralitetet e shtetasit që humbi jetën janë dhënë gabim, pasi gjatë kryerjes së veprimeve nga grupi hetimor ka rezultuar se inicialet janë G.B dhe jo G.N.", njofton policia.