Atentati ndaj Gilmando Danit, mbi 80 gëzhoja në vendngjarje! Si paraqitet gjendja e Muçi Shaljanit

Makina tip Toyota, e cila u përdor nga autorët e atentatit në Rinas ku u ekzekutua me breshëri plumbash Gilmando Dani dhe u plagos Muçi Shaljani alias Sheqeri, rezulton e vjedhur në Greqi në tetor 2022.

Ndërkohë, siç raportuam edhe një ditë më parë, targat e automjetit, rezultojnë po ashtu të grabitura në shteti grek, vitin e kaluar.

Ngjarja e rëndë që tronditi vendin ndodhi mesditën e 11 Nëntorit në afërsi të aerportit të Rinasit ku viktima, mik dhe krahu i djathtë i Emiljano Shullazit, si edhe efektivi i AMP-së ishin kthyer nga Barcelona.

Sipas, ekspertizës paraprake mjekoligjore nga morgu i Tiranës, Gilmando Dani ka marrë 20 plumba në trup, ndërsa në vendngjarje janë gjetur mbi 80 gëzhoja.

Në Spitalin e Traumës, vijon të jetë i intubuar Muçi Shaljani, në gjendje të rëndë shëndetësore, i cili mori 10 plumba në trup, 2 prej të cilëve në kokë.