I mori me dhunë automjetin një shtetasi në Durrës, identifikohet dhe vihet në pranga 31-vjeçari

Shërbimet e Komisariatit të Policisë Durrës kanë arrestuar një 31-vjeçar, i cili dyshohet se mori me dhunë automjetin e një shtetasi 24-vjeçar në rrugën e Sektor Rina, Fllakë.

Pas njoftimit, policia organizoi menjëherë veprimet hetimore dhe arriti të identifikojë dhe kapë autorin, shtetasin E. A., banues në fshatin Fallkë, Durrës. Ai u vu në pranga për veprën penale “Vjedhja me dhunë”.

Policia po punon për gjetjen e automjetit dhe identifikimin e personave të tjerë të përfshirë në ngjarje. Materialet procedurale i janë dorëzuar Prokurorisë pranë Gjykatës së Shkallës së Parë Durrës.